ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Ерліктің қос мерекесі тойланды

15:44, 9 мамыр 2016

Отан қорғаушылар күні мен Жеңіс мерекесіне орай Арал ауданында салтанатты шара болып өтті. Өскелең ұрпаққа бейбіт өмір, тыныш заман сыйлаған қарт жауынгерлерден бастап әскери сала ардагерлері мен қызметкерлеріне дейін құрмет көрсетіліп, алғысқа бөленді. Сондай-ақ бұл күні аралдық он өренді Отан алдындағы азаматтық борышын өтеуге әскерге шығарып салу рәсімі болды.

  Тілші: Сұрапыл соғыс жылдары бораған оқ пен оттың ортасында жүріп, жеңіс туын желбіреткен жауынгерлер есімі мәңгілік ел жадында. Екінші жаһандық соғысқа Арал өңірінен он бір мыңнан астам адам аттанса, олардың тең жартысы елге оралмады. Бірі жау оғынан қаза тапса, енді бірі мүлдем хабар ошарсыз кетті.  Бүгінде аудан бойынша көзі тірі жеті соғыс ардагері бар.  Солардың бірі - Пахрадин Ибраев. Аудан әкімі жылдағы дәстүрге сай әуелі қарт майдангердің шаңырағында болып, сый-құрмет көрсетті. Елбасының аманатын жеткізіп, қарт жауынгердің кеудесіне жеңістің жетпіс бір жылдық медалін тақты. Сондай-ақ соғыс ардагерінің үйіне тегін газ орнатылатын болды. 

Қатар келген қос мерекеге орай аудан басшысы тыл ардагерлерімен әскери салада ұзақ жылдар еңбек етіп, зейнетке шыққан бірқатар ел ағаларын  қабылдап, ақжарма тілегін жеткізді. Бұл күні сондай-ақ орталық алаңда Отан алдындағы азаматтық борышын өтеуге жас сарбаздарды шығарып салу рәсімі ұйымдастырылды.

Абзал Мұхимов – Арал ауданының әкімі

    Тілші: Міндет. Абырой. Ерлік. Бұл әскерге аттанғалы тұрған намысты өрендердің басты ұстанымы. Өткен жылы Арал ауданынан жүз отыздан астам жас Отан алдындағы борышын өтеп келсе, жыл басынан бері сексен азамат әскерге аттанды. Ал, көктемгі шақырымда болашақ сарбаздардың атынан сөз алған Құдайберген Әлиев әскерге барып, ел шекарасын жаудан күзетіп, қоғам тыныштығын сақтау әрбір жігіттің парызы,- дейді.

Құдайберген Әлиев  - әскерге шақырылушы

Мейрамкүл Құрбанова –ата-ана

   Тілші: Мереке аясында абыройлы әрі адал қызмет атқарып, үздік деп танылған бірқатар әскери сала мамандары марапат биігінен көрінді.

Шара соңында кішкентай өнерпаздар Отан, туған жер тақырыбында  әндер шырқап,  көпшілікті патриоттық рухқа бөледі.

Ә.Жолтаев, А.Меңдібаев

 

Тақырып бойынша материалдар

Танымал жаңалықтар