ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Германия кеңестің әскери тұтқындарына 2500 евродан төлемек

14:11, 26 сәуір 2016

Германия кеңестің бұрынғы әскери тұтқындарына 2500 евродан төлейді. Ұлы Отан соғысы кезеңінде немістердің тұтқындығына алынған кеңес сарбаздары бір реттік жәрдемақы алу үшін арыз берулеріне болады. Толығырақ келесі бейнематериалымызда.

Тілші: Ұлы Отан соғысының ардагері Василий Кривенко 40 жылдары Брест облысының Батыс  Беларусь округіне әскерге аттанды. Онда сарбаз минометті взводтың кіші командирі болды. Осы жақтан соғыс басталғанда әскер майданға жіберілді.

Василий Кривенко – Ұлы Отан соғысының ардагері

-Дабыл бойынша полк бірден шекараға аттанды. Ұшақтар  бомбалатып майдан даласын тас-талқан етіп жатқан кез. Барановичке дейін біздің ұшағымыз қорғаныс шараларын күшейтумен болды.

Тілші: Қарт майдангер сұм соғыстың алғашқы айларын күрсіне еске алады. Снарядтар таусылып, тамақ түгесілген қиын кезең әлі күнге дейін жауынгердің көз алдында. Қорғанысты бекітіп, жауға қарсы тұру оңай тиген жоқ. Дегенмен, Отан үшін алғалап, ақырына дейін қарсыластарға төтеп беруге бар күшімізді салдық, - дейді қария.

Василий Кривенко – Ұлы Отан соғысының ардагері

/Ақыры немістердің құрығына іліктік. Бізді жинақтау пунктіне апарып, сол жақтан лагерьлерге жіберді. Әупірімдеп тамақтандырды.  Жағдайымыз нашар болды. Өсімдіктер жапырағын азық еткен күндеріміз де болды. 50 адамға арналған барақта тұрдық. Таңертең санитарлар қаза болғандарды алып кететін. Ал 1942 жылы әлділерін жинап Германиядағы лагерьлерге аттандырды.

Тілші: Қаншама қасіретті бастан өткерген майдангер фашистік қанаудан 1945 жылы босады. Бейбіт күннің куәгері тұтқында болған қиын кезеңді еске түсірсе, еріксіз мұңаяды.

            Германия коалициясы әділетсіздік пен қанаушылықтың өтеу іретінде былтыр мамыр айында тұтқында болған кеңес әскерлеріне 2500 евро көлемінде бір реттік жәрдемақы беру жөнінде шешім шығарды. Бүгінде  облыстық қорғаныс істері жөніндегі департаментінің мәліметі бойынша бұл көмекке 688 сырбойылық қарт сарбаз ие болмақ.

Әлімжан Ерниязов – облыстық қорғаныс істері жөніндегі департамент бастығы

-Бірақ, бұл соңғы мәлімет емес. Өйткені соғыс біткен жылдары Қызылордада аудандар бөлініп, кейбіреулері біріктірілді. Сондай-ақ, бізде Қазалы ауданында ескі военкомат өртенді деген де мәлімет бар. Онда да қаншама құжат болған.  Сондықтан бұл тізім әлі толыға түседі./

Тілші: Департамент берген ақпарға сүйенсек, неміс жерінде тұтқында болған сырбойылық әскерлердің үшеуінің бүгінде көзі тірі. Олар – аралдық Махан Жүнісов пен Ислам Жайназаров және шиелілік Василий Кривиенко.  

Шаризат Алмашова- әлеуметтік бөлім меңгерушісі

Тілші: Ал 95-тің төріндегі біздің кейіпкеріміз, қарт майдангер Василий Кривиенко тұтқында болған азапты күндер мұздағын ешқандай қаражат жібітпейтінін алға тартады.

            Тірлікке тың қарияның тілеуі – елдің амандығы, бейбіт күннің баяндылығы.

Ш.Исабекова, А. Салықбаева, Б. Әбденов

Тақырып бойынша материалдар

Танымал жаңалықтар