ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Қадірлі қарт майдангер

17:20, 11 мамыр 2016

Қармақшы ауданында төрт соғыс ардагері бар. Солардың бірі – Шәкіман Бектібайұлы. Елін, жерін жаудан қорғаған ақсақалдың майдандағы ерлігі – ұрпаққа өнеге.

Тілші: Шәкіман Бектібайұлы 1940 жылы қызыл әскер қатарына шақырылған. Эстония жерінде кіші командирлер дайындайтын курсты бітіріп, соғыс басталысымен майданға аттанған. Қарт майдангер жаяу әскер полкінің құрамында болып, Невель, Смоленск, Великие Луки қалаларын қорғауға және Воронеж, Белгород, Курск бағытындағы қиян-кесті ұрыстарға қатысқан. Екі мәрте жарақат алса да, қасық қаны қалғанша жаумен айқасқан жауынгер бойындағы күш-жігерінің арқасында отанын қорғау үшін қан майданға қайта аттаныпты. Алайда, үшінші рет Украина жерінде ауыр жараланып, 44-ші жылы екінші топтағы мүгедек болып елге оралған. Туған жерде қоңыртөбел күн кешіп 10 бала өсірді. Бүгінде сол он баладан 28 немере, 27 шөбере сүйіп отырған жайы бар.

Әзірбек Бектібаев – Ш. Бектібайұлының ұлы

Тілші: Жеңіс күні Шәкіман ақсақалдың отбасы үшін ерекше мейрам. Жылда үлкен шаңырақта дастархан жайылып, туған-туыстың бәрі жиналады.

Әлімжан Шәкіманов – Ш. Бектібайұлының немересі

Тілші: Қанша қиыншылық көрсе де қажымаған қария биыл 96-ны толтырып, 97-нің төріне шықты. Ағайынның ортасында абыройы асып-тасыған ақсақал елі мен Елбасының амандығын тілеп, бейбіт күнге шүкір етіп отыр.

Шәкіман Бектібайұлы – ҰОС ардагері

Тілші: Қарты бар елдің – қазынасы бар. Ашаршылықтың алапатын, соғыстың сұмдығын көрсе де қиындыққа мойымай, елдің ертеңі үшін ерлік көрсеткен Шәкіман ақсақалдың өмір жолы жұртшылыққа үлгі, өнеге.

Бекзат Есқалиев, Бекболат Әбденов

Тақырып бойынша материалдар

Танымал жаңалықтар