ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Қазыналы қарияларды қуантқан шара

16:08, 7 мамыр 2016

Шаһарымыздағы ең кішкентай бүлдіршіндері Ұлы Отан соғысының ардагерлеріне тосын сый жасады. Бейбіт өмірдің ұрпақтары қарт майдангерлердің шаңырағына арнайы барып, ән-жырдан шашу шашты.

Тілші:  Ұлы Отан соғысының ардагері Бөрібай Құлманов сонау жыл­дардың естелігін жадында жаң­ғыртқанда ай-күнінен еш жа­ңылмайды.Соғыс даласындағы ұрыстар әлі күнге дейін көз алдымда, дейді ол. Қарт сарбаз жау­дың бекіністерін минометпен атқылап, жаяу әскер батальонының ілгері жылжуына мүмкіндік жасағанын айтады. Осындай шабуылдардың бірінде ауыр жарақаттанғаннан кейін  әскерге шақырылған жастарды оқытып, майданға жіберумен айналысты. Ал 1945 жылдың наурыз айында өз­і дайындаған солдаттардан ар­найы батальон жасақтап, бірінші Беларусь майданы жауынгерлерінің құрамында ұрысқа кірді.

Бөрібай Құлманов - Ұлы Отан соғысының ардагері

Тілші: Бөрібай Құлманұлы елге оралғаннан кейін ауылшаруашылығы саласында жұмыс істеді. Бірнеше аудандық партия комитеттерінде хатшылық қызметтерді абыроймен атқарды. Тың  жерлер игеріле бастаған уақытта Қармақшы ауданында басшылық қызметте болды. Еселі еңбегі үшін жоғары наградаларға ие болған ақсақал бүгінде бейнетінің зейнетін көріп отыр.

Бөрібай Құлманов - Ұлы Отан соғысының ардагері

Тілші: Мереке қарсаңында жүзге таяп қалған қазыналы қарияны  бүлдіршіндер қуантты. «Жұлдыз» бақшасының балғындары аталарына арнайы қонаққа келіп, Отан қорғаушылар күнімен құттықтап, ән-жырдан шашу шашты.

Сұрапыл соғыста Отан үшін отқа кеудесін тосқандардың бірі - Дүйсенбай Мұсаев. Майдан даласында қайтпас қайсарлық пен ерен ерліктің үлгісін көрсеткен ол Украина, Белоруссия, Польша жерлерін азат етуге қатысты. Сондай-ақ, Сталинград түбіндегі, Балтық жағалауындағы ұрыстарда басқыншылармен жан аямай шайқасып, жеңісті жақындатуға сүбелі үлес қосты. Қарт бүгінгі бейбіт күнді көру бақыты бұйырғанына шүкіршілік етеді.   

Дүйсенбай Мұсаев – Ұлы Отан соғысының ардагері

Тілші: Жеңіс күнімен аталарын құттықтай келген балақайларға қария түрлі тәттілер үлестіріп, ақ батасын берді.

Қарлығаш Серікбайқызы - №50 «Жұлдыз» балабақшасының меңгерушісі

Арайлым Байжігітова, Бөгенбай Абасилов

Тақырып бойынша материалдар

Танымал жаңалықтар