ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Қос қазына - киелі шаңырақ

14:35, 12 мамыр 2016

Тынымсыз еңбек, берекелі бейнет. Гагарин мөлтек ауданының тұрғындары Танабаевтар әулетінде қос қазына бар. Олар – тыл ардагерлері Тәшкенбай қария мен Зиба кейуана. Бір шаңырақ астында алпыс жылдан астам тату тәтті күн кешіп келе жатқан қариялардың өткен өмірі – ұрпаққа өнеге.

Тілші:   Халқымызда «Күлсең, кәріге күл» деп бекер айтылмаса керек. Сексеннің үстіндегі тыл ардагері, Зиба әжей әннің мәтініне қателескенімен, соғыспен  тұстас өткен балалық шағын еш ұмытпайды. Ойын баласының балғын шағын кермек таттырған да сұм соғыстың салқыны. Жеті жасынан бастап масақ  теруге араласып, кесек тасып қара жұмысқа жегілген қаршадай қыз түн болса, апаларына қолғабыс болатын. Таң атқанша жүн түтіп, қолбақ, шұлық тігуге атсалысқан.

Зиба Танабаева – тыл ардагері

-әліміз келсе, жүнін түтіп дайындап қоямыз. Шұлық тоқуды үйреніп алдым. Інілерімізді арқалап өсрдік. Жылатпаймыз деп, шешемізді іздетпейміз де. Үлкен әжелерімізге қарадық.

Тілші: Кейуана 16 жыл бұрын жанарынан айрылды. Қос шырағының сөнгені болмаса, қарт ана тың. Жастық шағын ет комбинатында ішек тазалаушы болып өткізген Зиба әжей бүгінде – күміс алқа иегері. Үбірлі-шүбірлі балаларының, немере-шөберелерінің қызығын Құдай қосқан жарымен бірге көріп отыр. Алпыс жылдан астам бір шаңырақ астында отбасылық өмірдің ащы-тұщысын бірге татып келе жатқан жары Тәшкенбай қария да – тыл ардагері.

         Соғыс аяқталған тұста әскерге аттанған жас 8 айлық курста танкі айдауды үйренді. Смоленск жерінде ұрыс даласының әскери қалдықтарын тазалау жұмыстарына қатысып, 4 жылға жуықтағанда елге оралды.

Тәшкенбай Танабаев – тыл ардагері

-Орманның арасы мина екен. Соғыстан кейін жөнді тазартылмаған кой. Бір жыл соны тазарттық қой. Противопехотный, танковый миналарды. Танковый деген табаның үлкендігімен бірдей екен. Сиыр салмағымен басса, мина атылады. 1954 жыл аяғында қайттық қой. Шопыр болып автобазда, 88-де пенсияға шықтым. Құдайға шүкір балдар, бар құдай берген балдарым. Тілші: Жасы тоқсанға таяған Тәшкенбай ақсақал еңбекпен есейген жан. Қарияның қолынан кетпені түспейді. Ылғи да немере, шөберелерін жерден ырзық табуға үйретеді. Тыл ардагерлері ұрпағына тынымсыз еңбек пен еліне бейбіт өмірді тілеумен күн кешіп келеді.

Ш.Исабекова, Б.Әбденов

 

 

 

Тақырып бойынша материалдар

Танымал жаңалықтар