ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Қос майданның куәгері

17:39, 7 мамыр 2016

Бүгін облыс әкімі Қырымбек Көшербаев Ұлы Отан соғысының ардагері Махсұт Сырғалиевтың отбасына барды. Абыз ақсақалды Отан қорғаушылар және Жеңіс күні мерекесімен құттықтап, ыстық ықыласын білдірді.

Тілші: Арал ауданының тумасы Махсұт Сырғалиев 1943 жылы май         дан даласына аттанады. Алдымен жас сарбаз Ресейдің Чита қаласында «байланысшылар взводы» ротасында оқытылып, мылтық ату, байланыс құралдарын жөндеу жұмыстарын үйренеді. Сондай-ақ  Каштак  жерінде  34-ші атқыштар дивизиясына сержанттық мектепке оқуға жіберіледі. Мұнан кейін ол неміс басқыншыларымен шайқасып, от пен оққа кеудесін тосты.

Махсұт Сырғалиев – Ұлы Отан соғысының ардагері

Тілші: Қарт жауынгерді қос майданның куәгері десек болады. Өйткені ол фашистердің бетін қайтарып, Жеңіске қол жеткізгеннен кейін, Жапон соғысына қатысқан.

Махсұт Сырғалиев – Ұлы Отан соғысының ардагері

Тілші: Махсұт ақсақал соғыстан аман-есен елге оралғаннан кейін туған жері Қасқақұлан елді мекенінде балық шаруашылығын өркендетуге үлес қосқан жан. Аймақ басшысы кездесу барысында жеңісті жақындатуға атсалысқан ақсақалдың еселі еңбегіне алғысын айтып, ардагерге мерекелік медальды табыстады.

Қазыналы қарттың өнегелі ғұмыры көпке үлгі. Тамырын тереңге жайған алып бәйтерек өскелең ұрпаққа ғибратты әңгімелерін айтудан шаршаған емес. Бар тілегі - жастардың болашағы жарқын, келешегінің кемел болуы.

Арайлым Байжігітова, Ахан Әлиев

 

Тақырып бойынша материалдар

Танымал жаңалықтар