ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Майдангер есімі жаңғырды

15:26, 9 мамыр 2016

Арал қаласындағы Гоголь көшесі енді соғыс және еңбек ардагері Қазыбай Қошқаровтың есімімен аталатын болады. Жеңіс мерекесіне орай ел ағалары мен майдангердің ұрпақтары бас қосып, көшенің салтанатты ашылу рәсімін жасады. Игі шараға біздің түсіру тобымызда куә болып қайтқан еді.

    Тілші: Еліміздің барлық өңірлеріндегідей Арал ауданында да бүгінгі ұрпаққа бейбіт өмір, тыныш заман сыйлаған соғыс ардагерлерін ұлықтап, игі шаралар жасалуда. Соның бір айқын дәлелі майдангерлер есіміне көше беру. Осындай құрметтің бірі ұзақ жылдар ұстаздық етіп, шәкірт тәрбиелеген, екінші дүниежүзілік соғысқа қатысып, Отан үшін от кешкен жауынгер Қазыбай Қошқаровқа жасалды. Ұлағатты жан өмірден кетсе де, артында өшпес із қалды. Жеңіс үшін жанын шүберекке түйіп, жау оғымен арпалысқан батырдың көзі тірі болғанда, биыл міне, жеңістің жетпіс бірінші көктемін ұрпағымен бірге қарсы алар еді.

Мұхтар Оразбаев  - Арал ауданы әкімінің орынбасары

Тілші: Қаламын қаруға айырбастаған Қазыбай Қошқаров Сталинград, Севастополь, Калининград қалаларында болған шайқастарға қатысып, ерлігімен көзге түседі. Алдыңғы шепте барлаушы болып, талай оқтан аман қалды. Ел үшін етігімен су кешіп, мұз жастанған жаужүрек жауынгер «I дәрежелі Отан соғысы», III дәрежелі «Даңқ» ордендерімен, «Ерлігі үшін», «Сталинградты қорғаудағы», «Калининград қаласын алуда» көрсеткен батырлығы үшін көптеген медальдармен марапатталған. Елге оралған соң ұстаздықты жалғастырып, Бөген, Қарашалаң мектептерін басқарды. Зейнет жасына дейін Арал қаласындағы № 13 мектепте қызмет етті. Өмірінің соңына дейін ағарту саласында еңбек етіп, ел үшін еміренген ерен ер енді міне бейбіт күнде ұлықталды.

Асылбек Қошқаров  - Қ.Қошқаровтың ұлы

 Гүлмира Серғазиева –көше тұрғыны

Тілші: Шара барысында Қазыбай Қошқаровпен бірге қызмет жасаған әріптестері, жора-жолдастары сөз алып, оның адамгершілік қасиеттерін тілге тиек етті. Тау алыстаған сайын биіктей беретіні секілді, Жеңіс үшін жанын пида еткен жауынгерлер есімі жыл өткен сайын жаңғыра бермек.

Ә.Жолтаев, А.Меңдібаев

Тақырып бойынша материалдар

Танымал жаңалықтар