ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Отан қорғаушылар күні аталып өтті

16:26, 7 мамыр 2016

Отан қорғаушылар күніне орай Шиеліде салтанатты шара болып өтті. Шалғын үстіне шұғыла ойнаған бейбіт таңның атуына себепші болған сардарлар мен сарбаздарды аудан әкімі алғыс хаттармен марапаттады.

Тілші: Салтанатты шарада ең алдымен Мемлекеттік Ту сахнаға әкелініп, ел- дің әнұраны шырқалды.

Мұнан соң  аудан әкімі Қайратбек Сәрсенбаев сөз алып, Тәуелсіздігіміздің асыл тәжі – тыныштық екенін атап өтті. «Бүгінгі бейбіт күннің берекелі шұғыласы баршамызды бауырына басты.  Әр сүйем жерді қызғыштай қорып, қырағылықпен күзеткен қыран мінез айбынды әскеріміз аман болсын»- деді құттықтау барысында.

Қайратбек Сәрсенбаев – Шиелі ауданы әкімі

Тілші: Сондай-ақ әкім бүкіл аудан жұртшылығын Жеңістің 71-жылдық мерейтойымен құттықтап, бір топ азаматтарға  алғыс хаттар табыс етті. 

Салтанатты жиын мерекелік концертпен жалғасты. Сахнада патриоттық рухты көтеретін әндер шырқалып,жиналған қауымды серпілтті.

Отан қорғаушылар күні  ер-азаматтардың  ғана емес  жалпыхалықтық мереке деуге болады. Ал,еліміздің тыныштығы мен бейбіт өмірінің күзетінде тұрған әскери қызметкерлер мен сарбаздардың Отан қорғаудағы үлесі орасан зор екені айтпаса да түсінікті. Олай болса, Ұлы даламыздың шебі бүтін, шекарасы берік болғай!

Орынбасар Бақытбек, Бекболат Әбденов

Тақырып бойынша материалдар

Танымал жаңалықтар