ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Отан қорғаушылар ұлықталған күн

15:37, 9 мамыр 2016

«Отан, Борыш. Парыз». Жаңақорған ауданында Жеңіс күнін жақындатқан майдангерлер мен бейбіт күнде ел тыныштығын қорыған сарбаздарды ұлықтау салтанаты болып өтті. Сондай-ақ, аудан орталығында жаңадан ашылған көшеге - Ұлы Отан соғысының ардагері Зұлпыхар Байзақовтың есімі берілді. Ал, Жайылма ауылы қызмет бабында ерлікпен қаза тапқан ерін еске алды. Осы өңірден тілшіміз Аягөз Қожақова тарқатып айтады.

Тілші: Кеудесінде намысы, жүрегінде оты бар әрбір ердің ең басты парызы- Отанды қорғау. Бұл абыройлы міндетті орындап жүрген жаңақорғандық азаматтарды өскен өңірі әрқашан мақтан тұтады. Кешегі  майданда Жеңісті жақындатуға күш салған ата-бабалардың ерлігінен үлгі алған бүгінгі Отан қорғаушылар ұлықтауға лайықты. Бейбіт күннің батырларына арналған салтанатты шарада аудан әкімі ел аманатын арқалаған ерлерді төл мерекелерімен құттықтады. Ізгі лебізін білдірді.   

Руслан Рүстемов –Жаңақорған ауданының әкімі

Тілші: Кеш барысында құқық қорғау, әскери салада қызмет етіп жүрген үздіктер марапатталды. Ішкі тәртіпті сақтау, ел  тыныштығын күзетуде, құқықбұзушылықтардың алдын алуда атқарған еңбектері еленді. Аудан әкімінің алғыс хатына ие болғандардың бірі – полиция капитаны Нұрбол Әбдірайымов.

Нұрбол Әбдірайымов- Жаңақорған аудандық ІІБ аға инспекторы

Анарбек Ысқақов – ЖАІІБ уақытша ұстау изоляторының бастығы

Тілші: Алғашқы әскери дайындық пәнінің мұғалімі  Жанболат Қасымбеков – ауданның өрендерін жастайынан әскери тәртіпке баулып келеді. «Отансүйгіштік, елжандылық қасиеттерд баланың бойына сіңіруге  үлес қосып келемін. Сондықтан, жауапкершілігім де жоғары. Мұны бағалап жатыр »,-дейді қошемет төрінен көрінген  ұстаз.

Жанболат Қасымбеков -№245 орта мектеп мұғалімі

Тілші: Ал, мына Жаңақорған кентіндегі жаңа көше енді Ұлы Отан соғысының ардагері Зұлпыхар Байзақовтың есімімен аталады. Отты жылдары қан майданда қару асынып, елін жаудан азат ету жолындағы жауынгерлігі бір төбе. Ал, соғыстан оралып, ел еңсесін тіктеуге қосқан еңбегі өлшеусіз. Партия комитетінде, бірнеше мекемелерде басқарып, ауданның дамуы жолында атқарған нәтижелі тірліктері ұшан-теңіз.Запастағы гвардия лейтенанты бірсөзді, өткір мінезді, ісіне адал мінзеді тұлға ретінде ауылдастарының жадында сақталған.

Бақыт Нұртазаев – аудан тұрғыны

Тілші: Биыл 71-ші рет тойланатын Жеңіс күнін көру бақыты –Жайылма ауылында қалған жалғыз соғыс ардагері Мәтенов Айтміш ақсақалдың маңдайына бұйырған екен. Украинаны неміс басқыншыларынан азат етуге қатысқан майдангер ұрыс даласында алғы шепте болған пулеметеші. Қария, соғыстан кейін туған ауылына оралып, кіндік қаны тамған жердің көркеюіне үлес қосты. Бүгінде дейін немере-шөберелерінің ортасында, ел амандығын тілеп отыр.

Айтміш Мәтенов –ҰОС ардагері

Тілші: Жайылма ауылында сегіз  тыл ардагері бар. Олардың қай қайсысы да  Жеңісті жақындатуға үлес қосқандар. «Тағзым алаңында» өткен салтанатты шарада ауыл ұстаздары мен оқушылары ардагерлерге ән-жырларын арнап, ізгі тілектерін өлеңмен жолдады.

Досан Мырзабеков –тыл ардагері

Тілші: Осы күні «Тағзым алаңына» тағы бір ердің есімі жазылды.ҚР Ұлттық қауіпсіздік комитетінің қызметкері, «Арыстан» арнайы жасағының аға лейтенанты  Қайрат Ибрайымов – Жайылма ауылының тумасы. Ол 2011  ең ірі заңсыз есірткі тасымалының жолын кесіп, осы қызметі  барысында мерт болды. Ерлігі үшін «Айбын» орденімен марапатталды.

Күләш Әлжанова -Қ.Ыбырайымовтың анасы

Тілші: Биыл бесінші жыл туған ауылы батырын еске алып, тағзым етуді дәстүрге айналдырды.

А. Қожақова,Б. Абасилов

Тақырып бойынша материалдар

Танымал жаңалықтар