ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Шиеліде шежіре ақсақал тұрады

16:11, 7 мамыр 2016

Ержүрек жауынгерлердің ерлігі жайлы аз айтылып жүрген жоқ. Ал біздің келесі кейіпкеріміз Сталинград түбіндегі шайқаста Гитлер армиясының фельдмаршалын тұтқынға алған сарбаздардың қатарында. Қызығы сол, қарт майдангер Сәрсенбек Байжанов 94 жасында Нартайдың өлеңдерін түгел жатқа айтады. Шежіре ақсақалды әріптесім Орынбасар Бақытбек іздеп тапты.

Сәрсенбек Байжанов –Ұлы Отан соғысының ардагері

ТІЛШІ: Жеңіске үндеген осындай өршіл өлеңдер қанды қырғында жауынгерлерге дем беріп, кескілескен ұрыстарда рух берді дейді Сәрсенбек ата. Майдан даласына бозбала шағында аттанған жауынгер Байжанов бүгінде 94 жаста. Сонда да санасы сергек, сөзі анық. Жастайынан ақын-жыраулардың жырларын жаттап өскен қарт сарбаз Сырдың сырнайлы әншісі Нартайдың жолдасы болып, жиын-тойларда жанында жүріпті. Ақсақалдың есінде қалған естеліктерін таспаға түсірудің сәті міне енді түсті.

 Сәрсенбек Байжанов –Ұлы Отан соғысының ардагері

ТІЛШІ:  Шежіре ақсақал 1942 жылы Сталинград түбіндегі  шабуылға қатысқан жауынгер. Сол шайқаста  Гитлердің қолбасшысы фельдмаршал Паулюс басқарған 340 мың әскер қаланы қоршайды. Жан-жақтан жансызын жіберіп, берілмесеңдер тірі шықпайсыңдар деген талаптарын да қойды, деп еске алады ауыл тұрғыны. Намысы қайралған біздің әскерлер  ақтық демі шыққанша шайқасуға бел байлайды. Ақыры 340-мың әскердің 92 мыңын қолға түсіріп, қалғанын қырып салады. Ұсталғандардың ішінде  фельдмаршал Фридрих Паулюс та болыпты.

Сәрсенбек Байжанов –Ұлы Отан соғысының ардагері

ТІЛШІ:  Жалпы, Шиелі ауданынан қан майданға алты мыңнан астам адам аттанған. Туған жерге жеңіспен оралған екі мың сарбаздан жетеуі ғана бүгінгі бейбіт күнге куә болып отыр. Жеті қазынаға айналған шиелілік қарт майдангерлеріміздің бірі – біздің кейіпкеріміз Сәрсенбек Байжанов.

Орынбасар Бақытбек. Бекболат Әбденов

Тақырып бойынша материалдар

Танымал жаңалықтар