ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Соғыс ардагері К.Қали - 95 жаста

15:06, 14 қыркүйек 2016

Екінші дүниежүзілік соғысқа қатысып, жеңіс туын желбіретуге үлес қосқан қарт майдангер Кеңесбай Қалиев 95 жасқа толды. Осыған орай денсаулық сақтау саласының өкілдері соғыс ардагерінің шаңырағында болып, мерейтой иесіне құрмет көрсетті.

 Тілші: Сұрапыл соғыста оқ пен оттың ортасында жүріп, жеңіс үшін жанын жалау, арын алау еткен Кеңесбай қария тоқсанның бесеуіне келсе де әлі тың. Үйге келген қонақтарды өзі тұрып қарсы алып, жылы қабақ танытты. Емен-жарқын әңгіме айтып, өткеннен сыр шертті. Кеңесбай Қалиев медициналық техникумды бітіріп, ұрыс даласына аттанғанда небәрі жиырмадағы жас жігіт болатын. Самарқан қаласындағы атты әскер корпусында эскадрон фельдшері және Саратов облысының Шикано станциясында химиялық қарудан қорғану жөніндегі құрылған батальон фельдшері болған ол жаралы солдаттарды емдеп қана қоймай, қолына қару алып жау әскерімен де соғысты. 

Кеңесбай Қали – Ұлы Отан соғысының ардагері

         Тілші:  Кеңесбай Қалиев  соғыс кезінде Мәскеуді қорғауда, Белоруссия мен Польшаны босатуда, Кенингсберг пен Берлинді алуда көрсеткен ерен ерлігі үшін I және II «Қызыл жұлдыз» ордені мен жауынгерлік «Еңбегі үшін» медальдарымен марапатталды. Жеңіс күнін Берлинде қарсы алған майдангер он бес жылға жуық шекарада қызмет жасап, елге 1960 жылдары ғана оралды. Зейнет жасына дейін облыстық денсаулық сақтау қызметкерлері кәсіподақ ұйымының төрағасы болып, аймақта медицина саласының дамуына айрықша үлес қосты. Соғыс ардагерінің ендігі арманы елдің тыныштығы мен береке-бірлігі.

Кеңесбай Қали – Ұлы Отан соғысының ардагері

Тілші: Кезінде іскер азаматтың араласуымен Қызылорда, Арал, Қазалы қалалары мен Шиелі ауданында екі жылдық аяжандар курсы ашылып, білікті мамандар даярланды. Бүгінде қарт жауынгердің үш қызы да әке жолын қуып, медицина саласында еңбек етуде.

Ә.Жолтаев, А.Әшірбеков

 

 

 

Тақырып бойынша материалдар

Танымал жаңалықтар