ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Жеңісті жақындатқан жерлестер

13:48, 5 мамыр 2016

Ақырғы деміне дейін асыл жұртын қорғаған соғыс сарбаздары Бозжановтардың құрметіне көшеге ағайындылардың есімі берілді. Тілші бейнематериалында толығырақ.

Тілші: Өз заманында атағы шыққан Бозжан бидің немерелері, ағайынды Нұрмұхамбед, Жармұхамбед, Жолмұхамбед Бозжановтар айтса айтатындай-ақ, ел жадында мәңгі сақталған тұлғалар. Дүбірге толы жиырмасыншы ғасырдың басында дүниеге келген олар – қоғамның талабына сай ерте есейіп, жетімдік пен жоқшылықты, ашаршылық пен қуғын-сүргінді, сұрапыл соғысты бастарынан өткерген. Алайда, зұлмат жылдардың зардабы мен зобалаңын көрген батырларды елі есінен шығарған емес.Тереңөзек кентіндегі жаңадан салынған көшенің біріне ағайынды Бозжановтардың есімі берілді. Салтанатты шараға зиялы қауым өкілдері мен батырдың ұрпақтары қатысты. Жиналған қауым тілерсектен саз, тебінгіден қан кешкен майдангерлер жайында естеліктер айтты.

Балшекер Өтегенова – Сырдария ауданы әкімінің орынбасары

Тілші: Мемлекет және қоғам қайраткері Нұрмұхамбед Бозжанов 1939-1944 жылдары ҚазақССР Жоғарғы Кеңесі төралқасының төрағасы, Алматы облыстық партия комитетінің бірінші хатшысы қызметтерін абыроймен атқарған. Інісі Жолмұхамбед Бозжанов Кеңес Одағының Батыры, халық жазушысы Бауыржан Момышұлының политругі, рота командирі болған. Бәукең оны Жолтай, Ақжолтай деп жанына жақын тартқан. Әдебиет алыптарының кейіпкеріне айналған батыр тұлға Москваны жаудан қорғауда, Крюкова деревнясында күші басым жаумен шайқаста ерлікпен қаза тапқан. Ал, Жармұхамбед Бозжанов дивизион командирі болып, сұрапыл соғыс жылдарында ерлік көрсеткен.

Қайрулла Әбенұлы – Сырдария ауданының құрметті азаматы

Тілші: Батырларды ұлықтау шарасы мұнан әрі облыс орталығында жалғасын тапты. Бас шаһарымыздағы бұрынғы Сәулет-18 көшесіне ағайынды батырлардың есімі берілді. Айта кету керек, мұнда жиылған жұрттың қарасы көп болды. Сұрапыл соғыстың сарбаздарына тәуелсіз еліміздің айбынды әскерлері сап түзеп, құрмет көрсетті. Ерлік пен өрлікке, батырлық пен батылдыққа тағзым етуге арналған шара мемлекетіміздің әнұранымен басталды.

Наурызбай Байқадамов – облыстық мәслихат хатшысы

Мұрат Мұхамедов – ҚР Парламенті Сенатының депутаты

Тілші: Ұлы Жеңістің жетпіс бірінші көктеміне орай ұйымдастырылған игілікті шарада отан үшін от кешіп, жанын құрбан еткен жауынгерлерге арналып ескерткіш тақта орнатылды.

Тілші: Бозжановтардың бірі еліміздің азаттығы мен бостандығы үшін майданда, екіншісі жеңісті жақындатудағы тыл майданында қызмет бабында қаза тапқан. Ағайынды азаматтардың ел үшін жүріп өткен жолдары бүгінгі ұрпаққа дәріптеуге тұрарлық, жұртшылыққа үлгі етерліктей мол мұра.

Бекзат Есқалиев, Бөгенбай Абасилов

Тақырып бойынша материалдар

Танымал жаңалықтар