ШҰҒЫЛ! АЛТЫН ҚОРДАҒЫ ХАБАРЛАР ҚАЙТА КӨРСЕТІЛЕДІ Толығырақ

Бірлік пен береке күні

17:13, 2 мамыр 2016

Бүгін – көп ұлтты Қазақ елі үшін маңызды даталардың бірі. Халықтар достастығы, ынтымақ пен бірлік күні. Татулық пен бейбітшілікті басты орынға қойып, бақытты бағалай білген Қазақстан үшін бұл күннің орны ерекше. Міне, Шежірелі Шиеліде де жүзі басқа жүрегі бір, тілі басқа тілегі бір жандар жиналып, айтулы датаны ерекше атап өтуге атсалысуда. Орталық алаңда өткен мерекелік шарада түрлі ұлыс өкілдері ән айтып, би билеп, мереке көркін қыздырды.

Ел басына күн туған қиын-қыстау заманда Шиелі жеріне де түрлі ұлт өкілдері табан тіреп, киелі мекеннен пана тапты. Бауырмал қазақ халқымен бір нанды бөлісіп жеп, бір үйдің баласындай етене араласты. Міне, соның нәтижесінде бүгінде Шиелі ауданында орыс, кәріс, украин, шешен сынды 17 ұлт өкілдері ауызбіршілікпен тату-тәтті ғұмыр кешуде. Қазақстан халқының бірлігі күніне арналған мерекелік шарада  аудан әкімі Қайратбек Сәрсенбаев елдің тыныштығы мен татулығын тілге тиек етіп, көпшілікті ортақ мейраммен құттықтады.

Қайратбек Сәрсенбаев – Шиелі ауданының әкімі

Тілші: Татулықты ту еткен дархан көңіл Қазақ жерінде бүгінде 130-дан астам ұлыс өкілдері бір шаңырақ астында сүттей ұйып отыр. Аудан тұрғыны Саламбек Шабаев – шешен ұлтының өкілі. Шиеліде туып-өскен ол бүгінде қазақтармен қыз алысып, қыз берісіп, құда-құдандалы болып отыр.

Саламбек Шабаев – шешен ұлтының өкілі

Жас отбасы Бекауовтар үшін де бұл күннің маңызы айрықша зор. Себебі, бірлік пен береке күні саналған 1-ші мамырда олар отау тігіп, шаңырақ көтерді. «Шағын мемлекет» атанған күн дәл осы ынтымақ пен келісім мерекесімен сәйкес келгеніне жас жұбайлар өте қуанышты.

СНХ: Бекауовтар отбасы

Тілші: Бірлік пен татулық, тыныштық пен бейбітшілік күнінде аудан тұрғындары әр ұлттың әні мен биіне, өнеріне қанық болып, концерттік бағдарламаның куәгері болды. Ең бастысы, көпшілік еліміздің амандығы мен жұртымыздың тыныштығын, халықтың ауызбіршілігін тілек етіп, бір-біріне ізгі ниеттерін білдірді.

Гүлсім Нұрланқызы, Нұржан Музарапшин

Тақырып бойынша материалдар

Саяси қуғын-сүргін құрбандарын еске алды / Жас кәсіпкерлер үшін жаңа мүмкіндіктер
15:49, 4 маусым 2016
Саяси қуғын-сүргін құрбандарын еске алды / Жас кәсіпкерлер ү...
Толығырақ...

Танымал жаңалықтар

ЖАҢА ҚАУЛЫ: СЫРДАРИЯДА ТАЛАП КҮШЕЙТІЛДІ
16:33, 16 сәуір 2021
ЖАҢА ҚАУЛЫ: СЫРДАРИЯДА ТАЛАП КҮШЕЙТІЛДІ
Толығырақ...
АРАЛ АУДАНЫНДА АУҚЫМДЫ ЖОБАЛАР ЖҮЗЕГЕ АСЫРЫЛУДА
16:31, 16 сәуір 2021
АРАЛ АУДАНЫНДА АУҚЫМДЫ ЖОБАЛАР ЖҮЗЕГЕ АСЫРЫЛУДА
Толығырақ...