ШҰҒЫЛ! АЛТЫН ҚОРДАҒЫ ХАБАРЛАР ҚАЙТА КӨРСЕТІЛЕДІ Толығырақ

Саяси қуғын-сүргін құрбандарын еске алды / Жас кәсіпкерлер үшін жаңа мүмкіндіктер

15:49, 4 маусым 2016

Саяси қуғын-сүргін құрбандарын еске алды

Тілші: 1931-1932 жылдардағы ашаршылық пен 1937-1938 жылдардағы саяси қуғын-сүргін – ұмытуға болмайтын кезең. Бұл ретте жекелеген адамдардың ғана емес, тұтас халықтың тағдыры таразы басына тартылғаны белгілі. Солақай саясаттың құрбандарын еске алу үшін қазалылықтар Роза Бағланова атындағы мәдениет үйінде жиналды. Шара барысында аудан әкімі Нәжмадин Шамұратов сөз сөйлеп, қатал тоталитарлық жүйенің ауыртпалығы мен қазақ жеріне тигізген қиындығына тоқталды.

Нәжмадин Шамұратов – Қазалы ауданының әкімі

Тілші:  Мұнан соң, көпшілік назарына зұлмат жылдар жаңғырығын бейнелейтін қойылым ұсынылды.

Тілші: Қазақ даласын күңіренткен нәубет жылдары миллиондаған адам қаза тауып, қасірет шекті. Пана іздеп, елден безгендері қаншама? 1932-1933 жылдың өзінде 1,5 миллионнан астам қазақ ашаршылық құрбаны болды. Мұның бәрі сол кездегі Кеңестік биліктің тоталитарлық саясаты мен қолдан жасалған нәубеті болатын. Сол қиын кезеңде елім деп еміренген ұлт көсемдері мен зиялы қауым өкілдері атылып кетті. Қатал тоталитарлық жүйенің барлық ауыртпалығын қазақ халқымен бірге неміс, поляк, түрік сынды жер аударылған өзге ұлт өкілдері де көтерді. Көңілі дархан қазақтардан пана тапқандар қатарында кәріс ұлтының өкілі – Анатолий Цой да бар. Балалық шағы Арал теңізімен тығыз байланысты қария қиын кезеңдегі қазақтардың қолдауы мен көмегін ерекше еске алады. Қазалыда болашақ жары Мариямен танысып, отбасын құрды. Бала тәрбиелеп, немере сүйді. Сондай-ақ, осы киелі өңірде абыройлы еңбек етіп, зейнеткерлікке шықты. Бүгінде көршілерімен туысындай жақсы араласатын Анатолий мен Мария «Қазақстаннан өзге елге көшу туралы ой мүлдем келмеген, бұл біздің – Отанмыз» дейді ағынан жарылып.

Анатолий Цой – аудан тұрғыны

Мария Лем – аудан тұрғыны

Тілші: Сондай-ақ, саяси қуғын-сүргін және ашаршылық құрбандарын еске алуға арналған шара барысында өңір өнерпаздары Отан, туған жер туралы әндер орындап, өткен күндерге бір сәт көз жүгіртті. Бүгінгі бейбіт заманға шүкіршілік етті.

 

 

 

Жас кәсіпкерлер үшін жаңа мүмкіндіктер

Тілші: Өңірімізде кәсіпкерлік көкжиегі кеңейіп келеді. Бүгінде, әсіресе, өз бизнесін ашып, жеке жұмысын дөңгелетуді мақсат еткен жастар қатары көп. Мәселен, қазіргі таңда қасиетті Қазалы өлкесінде аудан экономикасының дамуына оң ықпал етіп отырған кәсіпкер саны 4000-нан асса, оның 13 пайызын жастар құрап отыр. Өңірде ұйымдастырылған «Жас кәсіпкерлер үшін жаңа мүмкіндіктер» атты форум барысында ауданның бизнесмендері бас қосып, өзара пікір алмасты. Аудан басшысы Нәжмадин Шамұратовтың басшылығымен өткен шараға облыстық кәсіпкерлік және туризм басқармасы мен «Жастар ресурстық орталығының» өкілдері де қатысып, Қазалының кәсіпкерлік мүмкіндігімен таныс болды.

Ұлпан Әшірова – «Даму» кәсіпкерлікті дамыту қоры» АҚ облыс бойынша кеңесшісі

Тілші: Негізінен ауыл шаруашылығы саласын дамытуға бейімделген ауданда бүгінде құрылыс материалдарын шығару, сауда, теміржол, асхана сынды кәсіпкерліктің түрлі бағыттары қарқын алып келеді.  Сондай-ақ, бизнес өкілдері кәсіпкерлікті қолдауға бағытталған «Бизнестің жол картасы – 2020», «Жұмыспен қамту -2020»,  «Құлан», «Алтын асық» сынды бағдарламаларға белсенді түрде қатысуда. Айта кетейік, өңірде әлі де қолға алынбаған кәсіпті іске асыруға мүмкіндік мол. Халық тұтынатын азық-түлік өнімдері мен құрылыс заттарының басым бөлігі сырттан келеді. Осы орайда, мамандар алдағы уақытта құс, қоян, балық шаруашылығын дамытып, жеміс-жидектер өсіруді, тосап даярлауды, тігін цехын ашуды қолға алу қажет дейді.

Әліби Әбиев – аудандық кәсіпкерлік, өнеркәсіп және туризм бөлімінің басшысы

Тілші: Форум барысында жастар бизнесті ашу, дамыту, кәсібін ілгерілету турасындағы көкейде жүрген сауалдарын жолдап, нақты жауап алды.

Нәжмадин Шамұратов – Қазалы ауданының әкімі

Ғалымжан Мұстафаев – облыстық кәсіпкерлік және туризм басқармасы басшысының орынбасары

Тілші: Сондай-ақ, шара аясында өңірдегі жас бизнесмендердің кәсібі мен жұмыс жайынан хабар беретін көрме ұйымдастырылды. Мұнда кондитерлік өнімдер мен дизайнерлік бұйымдар, әшекей заттар, сондай-ақ, ұлттық нақышта тігілген көйлектер көпшілік назарына ұсынылды.

Маржан Мақсұтова – «Асыл мұра» дизайнерлік орталығының қызметкері

Ботагөз Құнарбаева – «Relaх» эстетикалық косметология орталығының қызметкері

Тілші: Шара соңында аудандағы шағын кәсіпкерлікті дамытуда белсенділік танытып жүрген жас бизнесмендер марапат биігінен көрініп, құрмет-қошеметке бөленді.

Гүлзат Билсариева – «Сәлима» тігін цехының тігіншісі

Әділет Қарымсақ – жеке кәсіпкер

Тілші: Форум барысында аудан басшысы өңірдегі бірқатар кәсіпкерлік нысандарын аралап, жұмыс барысымен танысты. Кентте жуырда ашылған «М-бай» асханасы бүгінде көпшілікке дәмді әрі сапалы ас мәзірімен, қалтаға қонымды бағасымен белгілі. Жалпы 40 орынға есептелген нысан қазіргі таңда 6 адамды жұмыспен қамтып отыр.

Әйгерім Әуезова – жеке кәсіпкер

Тілші: Сондай-ақ, бұл күні ауданда  таза ауыз су шығаратын цех іске қосылды. Ауданда алғаш ашылған нысан сағатына бір жарым тонна тіршілік нәрін өндіруге қауқарлы.  

Нәжмадин Шамұратов – Қазалы ауданының әкімі

Тілші: Жоба жас кәсіпкер Еркін Алданазаровтың бастамасымен жүзеге асып отыр. Жалпы құны 20 миллион теңге болатын цехты ашу үшін аудан тұрғыны өңірлік инвестициялық орталықтан 7 пайызбен несие алып, қажетті техникаларға тапсырыс берген. Мәселен, суды сүзгіден өткізіп, ыдыстарға құятын мына аппараттар Қытайдан әкелінген. Енді бұл құрылғыларда «Арал-Сарыбұлақ» топтық су құбырының суы фильтрленбек.

Еркін Алданазаров – «Тамшы су»  ауыз су өндіру цехының директоры

Нұрболат Қанибаев – «Тамшы су» ауыз су өндіру цехының операторы

Тілші: Айта кетейік, бүгінде цех 5 адамды жұмыспен қамтып отыр. Сондай-ақ, бұл жерден шыққан отандық өнімге тұрғындар үйде отырып-ақ тапсырыс беруіне болады. Жеткізу тегін. Ләззат Сәду – мұндай мүмкіндікті ең алғаш болып пайдаланғандардың бірі. 

Ләззат Сәду – аудан тұрғыны

Тілші: Алдағы уақытта мұнда өндірілетін суды қолдану ыңғайлы болу үшін жарты литрден бес литрге дейінгі құтыларға құйып сату көзделуде. Сондай-ақ, көпшілікке шай және шырын өнімдерінің түр-түрін ұсынуды да жоспарда бар.

Гүлсім Нұрланқызы, Нұржан Музарапшин

 

 

Тақырып бойынша материалдар

Танымал жаңалықтар

ЖАҢА ҚАУЛЫ: СЫРДАРИЯДА ТАЛАП КҮШЕЙТІЛДІ
16:33, 16 сәуір 2021
ЖАҢА ҚАУЛЫ: СЫРДАРИЯДА ТАЛАП КҮШЕЙТІЛДІ
Толығырақ...
АРАЛ АУДАНЫНДА АУҚЫМДЫ ЖОБАЛАР ЖҮЗЕГЕ АСЫРЫЛУДА
16:31, 16 сәуір 2021
АРАЛ АУДАНЫНДА АУҚЫМДЫ ЖОБАЛАР ЖҮЗЕГЕ АСЫРЫЛУДА
Толығырақ...