ШҰҒЫЛ! АЛТЫН ҚОРДАҒЫ ХАБАРЛАР ҚАЙТА КӨРСЕТІЛЕДІ Толығырақ

Ұлы Жеңістің 71-ші көктемі

16:36, 10 мамыр 2016

Жеңіс оңайлықпен келген жоқ. Бұл - ата-бабаларымыздың ержүректілігі мен төзімділігін, батылдығын паш етіп, тарихта мәңгі қалатын басты мереке.

Ел басына күн туған қиын-қыстау кезеңде жерінің бүтіндігі мен халқының болашағын ойлап соғысқа аттанған азаматтар қатарын жаңақорғандық жауынгерлер де толықтырған еді. Қарт Қаратау етегінен 4949 адам майданға аттанса, соның 2660-ы елге аман-есен оралған. Бүгінде Жаңақорғанда оқ пен оттың ортасында жүріп, сұм соғысқа куә болған 9 ардагер бар. Мереке қарсаңында аудан әкімі Руслан Рүстемов қарт жауынгерлердің шаңырағында болып, Ұлы Жеңістің 71 жылдық мерейтойымен құттықтады. Бейбіт заман мен тыныш өмір сыйлаған қарттарға ағеден алғысын жаудырып, жылы лебіздерін білдірді. Ардагерлер де өз кезегінде мерекелеп келген меймандармен ән айтып, жыр тыңдап, ақ батасын берді.

Елі мен жері үшін күресіп, Жеңісті жақындатқан ардагерлерді ардақтау – әрбір адамның азаматтық борышы. Міне, мереке аясында  Қожамберді ауылындағы көшенің біріне Ұлы Отан соғысының ардагері Мәжит Биділлаұлының есімі берілді. 19 жасынан сұрапыл соғыстың ащы дәмін татқан жауынгер зенитті артиллерияның барлаушысы болып №20 танк құрамында шайқасты. Майдан даласында басынан ауыр жарақат алса да, соғыс біткенше оқ пен от ортасында немістермен күресіп, төнген қауіпке қасқая жүріп шыдас берген жауынгер есімі ауданда осылайша ұлықталды.

Руслан Рүстемов – Жаңақорған ауданының әкімі

Гүлсім Нұрланқызы – тілші: Бүгін – Ұлы Жеңіске 71 жыл. Тәуелсіз Қазақстан үшін маңызды даталардың бірі. Зұлмат соғыс жылдарында кеудесін оққа тосқан майдангерлерді ұлықтау шарасы Жаңақорған ауданында да жоғары деңгейде аталып өтілді. Мереке аясында жас ұрпақ ардагерлерді ардақтап, концерттік бағдарламасын ұсынды. Қазыналы қарттардың ақ батасын алды.

Тілші: Жеңіс күніне арналған меркелік іс-шара соғыстан оралмаған, ұрыс даласында ерлікпен қаза тапқан жауынгерлер ескерткішіне гүл шоқтарын қоюдан басталды. Мұнан соң, жиналған көпшілік концерттік бағдарламаға куә болып, соғыс жылдарын бейнелеген қойылымдарды тамашалады. Шара аясында аудан әкімі Руслан Рүстемов сөз сөйлеп, қарт майдангерлерді төл мерекесімен құттықтады.

Руслан Рүстемов – аудан әкімі

Тілші: Тұрсынбек Бейімбетов – зұлмат соғысқа куә болып, майдан даласында ерлік көрсеткен жауынгерлердің бірі. Бозбала жігіттік шағында ұрыс даласына аттанған ол атқыштар полкінің құрамында шайқасып, Калинин және Орел-Курск доғасы майдандарында болған. «За победу над Германией», медалі мен «2-ші дәрежелі Ұлы Отан соғысы» орденімен наградталған. Салтанатты шара барысында сөз сөйлеген қария, еліміздің тыныштығын тілге тиек етіп, өскелең ұрпаққа ақ батасын берді.

Тұрсынбек Бейімбетов – Ұлы Отан соғысының ардагері /бата/

Ибадулла Байғожиев – тыл ардагері

Есалы Тұрсынбаев – тыл ардагері

Тілші: 1418 күнге созылған зұлмат ұрыстың нәтижелі аяқталуы – жыл өткен сайын қатары сиреп бара жатырған майдангерлердің жау алдында сескенбей, қасқайып тұра білуінің нәтижесі. Бойы өсіп, бұғанағы қатпаған бала мен еңкейген кәрінің күн-түн демей, тылдағы дамылсыз еңбегі бұл.

Зинабдин Шермағанбетов – аудандық ардашерлер кеңесінің төрағасы

Жақсыгүл Бегманова – Жаңақорған ауданының Құрметті азаматы

Тілші: «Ешкім де, ешқашан да ұмытылмайды». Бүгінгі бейбіт заман, тыныш ұйқы, уайымсыз өмір үшін ардагерлерге айтылар алғыс көп, жасалар құрмет те зор. Мың тағзым сіздерге майдангерлер!

Гүлсім Нұрланқызы, Жандос Әбенов

Тақырып бойынша материалдар

Саяси қуғын-сүргін құрбандарын еске алды / Жас кәсіпкерлер үшін жаңа мүмкіндіктер
15:49, 4 маусым 2016
Саяси қуғын-сүргін құрбандарын еске алды / Жас кәсіпкерлер ү...
Толығырақ...

Танымал жаңалықтар

ЖАҢА ҚАУЛЫ: СЫРДАРИЯДА ТАЛАП КҮШЕЙТІЛДІ
16:33, 16 сәуір 2021
ЖАҢА ҚАУЛЫ: СЫРДАРИЯДА ТАЛАП КҮШЕЙТІЛДІ
Толығырақ...
АРАЛ АУДАНЫНДА АУҚЫМДЫ ЖОБАЛАР ЖҮЗЕГЕ АСЫРЫЛУДА
16:31, 16 сәуір 2021
АРАЛ АУДАНЫНДА АУҚЫМДЫ ЖОБАЛАР ЖҮЗЕГЕ АСЫРЫЛУДА
Толығырақ...