ШҰҒЫЛ! АЛТЫН ҚОРДАҒЫ ХАБАРЛАР ҚАЙТА КӨРСЕТІЛЕДІ Толығырақ

Желбіре, Жеңісімнің көк байрағы!

16:53, 10 мамыр 2016

1941 жылы Ұлы Отан соғысына Жалағаш ауданынан 2мың 316 адам соғысқа аттанды. Алайда, елге оралып, бейбіт күнге жеткендері санаулы. Аудан бойынша Жеңістің 71-ші көктеміне жеткендердің ішінде жалғыз соғыс ардагері -Дүйсенбиев Уәли ақсақал. Тоқсанды алқымдаған қария бұл күні қатарластарымен алаңға шығып, майдандастарын еске алып, ескерткішіне гүл шоқтарын қоя алмады. Денсаулығы көтермейді. Десе де, қарт майдангер айтулы күнде құттықтай келген қауымға қазақ елінің бақыты баянды болсын деп батасын жаудырды.

Тілші:Аудан орталығы. Алаңда Жеңіс мерекесіне әзірлік қызу. Кеудесіне орден-медальдарын жарқыратып, бір топ қариялар келеді. Бұл тылда тер төгіп, жеңісті жақындатуға атсалысқан ардагерлер. Ембергенов Жаңалық ақсақал – Ұлы Отан соғысы басталған жылдары 12-13 жасар бозбала кезі екен. «Көкмая» совхозында ала жаздай жер жыртып,астық тасып, егістің басында кетпен-күрегін тастамай ата-әжелеріміздің шаруасына көмектестік.Балалық шақ болған жоқ, ауыр бейнетпен өтті. Есесін Алла жеткерді, бейнетіміздің зейнетін көріп отырмыз»,-дейді ақсақал өткен шақты еске алып.

Жаңалық Ембергенов – тыл ардагері

Тілші: Тыл ардагерінің жары Қалдыгүл әже  отбасы ошақ қасында балаларын өсіріп-бағып қана қоймай, көппен бірге  колхоздың шаруасын да қатар алып жүрген. Соғыстан кейінгі ауыр кезеңдерде қара жұмыстың қай-қайсысында талғамай, талмай еңбектенумен келді бұл жеңіс,-дейді кейуана.

Қалдыгүл Асанова – еңбек ардагері

Тілші: Ал, Бұқарбай батыр бабаның ескерткішінің алдында толғанып тұрған кейуана  – Қымбат Қауымбаева. Сұм соғыстан кейінгі, ел еңсесін тіктеуге атсалысқан батыр ана. «Егіс басында бауырдағы баламен барып, масақ теріп бидай егіп, күріштік басында бесікпен түнеген кезіміз әлі көз алдымызда,-дейді әжей. Батыр ана – берекелі шақтың қадырын біліп, бейбіт елдің ұландары ешқашан соғыс көрмесін деп тілейді.

Қымбат Қауымбаева – Батыр ана

Тілші:Екінші дүниежүзілік соғыс – өткен ғасырдың қасіреті және адамзат тарихында ең қанқұйлы соғыс. Әлемнің алпысқа жуық елін қамтыған  осынау қанды қырғынға миллиондаған қазақ жауынгерлері қатысты.Отан үшін от кешті, ерлік көрсетті. Елге оралып, еңбектің бел ортасында болып, туған жерінің қайта өрлеу жолында да  елеулі із қалдырды. Сырбойында да  сұм соғыстың зардабын татпаған бірде бір отбасы жоқ. Мәселен, Есниязовтар әулетінен 4 бірдей жан соғысқа аттанып, біреуі ғана елге аман-есен оралды. Бүгінде майдан даласында бақилық болған үш  ағайынды сарбаздардың есімі- батырлар аллеясында темірмен ойып, жазулы. Ұрпақтарының жадында мәңгі сақтаулы. Қырық жылдан аса аудан оқушыларын  білім нәрімен сусындатқан ұстаз –Ерім Төлепбай осы күні қарт майдангер әке-көкелерін еске алып, елдік жолындағы ерліктерінен сыр шертті.

Ерім Төлепбай –  ардагер ұстаз

Тілші: Аудан орталығына жиналған жұртшылық –Жеңіс мерекесін жылдағы дәстүр бойынша атап өтті. Ең алдымен, оғыста шейіт болған жауынгерлердің есерткішіне гүл шоқтары қойылып, боздақтардың рухына құран бағыштады. Мұнан соң, тыл және еңбек ардагерлері  аудан өнерпаздары әзірлеген  музыкалық қойылымды тамашалады. «Желбіре, жеңісімнің көк байрағы»  атты театрландырылған көріністің желісі – 1945 жылды бейнелейді. Ақырғы майдан даласы, Рейхстагқа ту тіккен қазақ баласы, көптен күткен Жеңіс жыры!

Батырлық пен ерліктен жаралған, рухын қасиеттеген, ардагерлерін айбын көрген, Жеңіс пырағын бейбітшілік шырағына айналдырған күнге- биыл 71 жыл толды. Отан үшін от кешкен, Бауыржандай батыр баба туған өлке әрқашан ерліктің төресін көрсеткен жаужүрек халық. Екінші дүниежүзілік соғыста – ерен ерлігімен алғы шептен көрінген бүгінде қарт майдангерлеріміздің ерлігі ешқашан ұмытылмайды. Аудан әкімі айтулы мерекеде халыққа арнаған жүрекжарды лебізін осылайша сабақтады.   

Талғат Дүйсебаев – Жалағаш ауданының  әкімі

Тілші: Екінші дүниежүзілік соғыста ерлік көрсетіп,  Кеңес Одағының батыры атағына ие болған қазақстандық  жауынгерлердің жалпы саны бес жүзге жетеді. Ал, сырбойының өзінен  бұл атаққа  жиырма екі жауынгер  ие болды. Шындығында, сұрапыл соғыста шейіт болған боздақтардың  ерлігі түгелдей қағаз бетіне түсіріліп, ел аузында қалған жоқ. Соғыс тактикасын жіті білетін, басқарушылық қабілеті зор  командирлер, офицерлер, қатардағы сарбаздардың да арасынан батырлар көптеп шықты. Уақыт  өткен сайын майдангерлердің қатары сиреп барады. Енді,батыр аталарының  естелік суреттерін алаңға алып шығып, құрметпен ерлігін еске алатын ұрпақтар көбейді. Бүгінгі салтанатты шарада осы үрдісті жалғастырған өрендер  «мәңгілік полкта» сап түзеді.  

Ұлы Жеңістің 71 жылдығына арналған концерттік бағдарлама соңы патриоттық ән-күйлерге ұласты. Қорыта келе, «Отанының ұлы болған, ерліктің шыңы болған жасампаз әкеклер, айбынды жеңіс ардагерлеріне  мәңгі қарыздармыз»-десті  ізгі лебіздерін жолдаған жұртшылық.

  А. Қожақова, Мырзабек Жанқуанышев, Төрехан Қожахметов

 

Тақырып бойынша материалдар

Саяси қуғын-сүргін құрбандарын еске алды / Жас кәсіпкерлер үшін жаңа мүмкіндіктер
15:49, 4 маусым 2016
Саяси қуғын-сүргін құрбандарын еске алды / Жас кәсіпкерлер ү...
Толығырақ...

Танымал жаңалықтар

ЖАҢА ҚАУЛЫ: СЫРДАРИЯДА ТАЛАП КҮШЕЙТІЛДІ
16:33, 16 сәуір 2021
ЖАҢА ҚАУЛЫ: СЫРДАРИЯДА ТАЛАП КҮШЕЙТІЛДІ
Толығырақ...
АРАЛ АУДАНЫНДА АУҚЫМДЫ ЖОБАЛАР ЖҮЗЕГЕ АСЫРЫЛУДА
16:31, 16 сәуір 2021
АРАЛ АУДАНЫНДА АУҚЫМДЫ ЖОБАЛАР ЖҮЗЕГЕ АСЫРЫЛУДА
Толығырақ...