ШҰҒЫЛ! ОҚУШЫЛАРҒА ЕКПЕ САЛЫНА МА? Толығырақ

Шалқыған ырыс, шат тұрмыс

12:54, 8 қаңтар 2019

Келесі сюжетіміз ақ күріштен тау тұрғызып, алма бағын жайқалтып, төрт түлікті түлетіп отырған  «Абай Дәулет» жауапкершілігі шектеулі серіктестігі турасында болмақ. Шаруашылық иесі – жұртты жұмылдыра білетін іскер басшы, берекелі Бесарық ауылының тумасы Мұрат Сәрсенбаев.  Бесарықтың жәй шаруа қожалығы емес, мына алаңды көпсалалы қызмет атқаратын агроқалашық дерсің. Қамбасы дәнге толса, өрісінде төрт түлігі түлеген ауыл бұл.    

 Шаруашылық мамандары осыдан екі жыл бұрын қылыш құйрықты қара қойды тәжікстандық түрімен будандастырған. Тәжірибе өз нәтижесін беруде:қошқарлары етті, аналықтары егізден төлдетіп жатыр.

Асылбек Маханбетов – мал дәрігері

Өнімді мол беретін саланың бірі –түйе шаруашылығы. Қазір мұнда қос өркештілердің басы 60-қа жеткен. Күніне 150 литр шұбат дайындалып, облыс орталығына жөнелтілуде. Сұраныс жоғары болғандықтан ауылдағы ағайын дәл осы кәсіпті жандандыруды мақсат етіп отыр.

Мүсілім Аяпов – шаруашылық меңгерушісі

«Абай Дәулет» серіктестігінде мал азығы да дайындалады. Сағатына 3 тонна өнім өндіретін шағын зауыт жұмыс істеп тұр. Қысқы маусымға қажетті азық алдын-ала әзірленген. Енді өзге шаруашылықтардан түсетін тапсырыс аясын кеңейту үшін  зауыттың қуаттылығын арттыру көзделуде. Шаруашылықтың басты кәсібі - күріш. Өткен жылы Сыр салысын 500 гектар алқапқа еккен ауыл диқандары әр гектардан орташа есеппен 67 центнерден өнім жинады. Қазіргі таңда дала жұмыстарына дайындық жүріп жатыр.

 Бейбіт Белгібаев – бас инженер

 Бұйыртса, биыл мына алма ағаштары жеміс салады. «Карлик» деп аталатын түрі екен. Өзі аласа болғанымен жемісі мол, дәмі тіл үйіреді дейді мамандар. Жалпы, 7 гектар жерге 10 мың түп алма ағашы егілген. Осыншама шаруаны ұқсатып, кәсіптің сан қырын ұршықша иіріп отырған -  Мұрат Сәрсенбаев. Ол жетістікке жетудің кілтін тапқан нағыз еңбекқор азамат.

Мұрат Сәрсенбаев – «Абай Дәулет» ЖШС директоры, Қызылорда қаласының Құрметті азаматы

Білікті басшы, ұтқыр ұйымдастырушы ауылдың жағдайын назардан тыс қалдырған емес. Өткен жылы 37 миллион 300 мың теңге қаржыға ауылдың кіреберіс көшесін асфальттап, аббаттандыру жұмыстарын жүргізді. Мектепке жаңа спорттық құрал-жабдықтар алып берді. Бесарық ауылының берекесін кіргізген азамат жыл қорытындысында Сырдария ауданы бойынша «Үздік демеуші» номинациясын иеленсе, жыл еншісіндегі ең үлкен марапаты - Қызылорда қаласының Құрметті азаматы атанды.

Мұрат Сәрсенбаев – «Абай Дәулет» ЖШС директоры, Қызылорда қаласының Құрметті азаматы

 Мұрат Сәрсенбаевтың алдына қойған мақсаты, жоспары әлі де көп.  Бүгінде өз ісіне адал жандардың шоқтығы бөлек болса, ауылды түлеткен  кейіпкеріміз де еңбегінің, ауылға деген сүйіспеншілігінің , қамқорлығының арқасында құрметке бөленіп келеді.

Тәжімұрат Әлжанов

Тақырып бойынша материалдар

"ҮЗДІК ЖАС МАМАН - 2021" ОБЛЫСТЫҚ БАЙҚАУЫ
18:39, 22 қыркүйек 2021
"ҮЗДІК ЖАС МАМАН - 2021" ОБЛЫСТЫҚ БАЙҚАУЫ
Толығырақ...

Танымал жаңалықтар