«Қорқыт» тобы: Редактор-Алтынай Молжанова , режиссер –Гүлсара Мәмбетова, телеоператор-Талғат Әлменов , бейнемонтажер –Самат Қуанышбаев.

Қорқыт ата – түркі халықтарына ортақ ұлы ойшыл, жырау, қобызшы.  Бабаның туып өскен жері,  кіндік қаны тамған жері- қасиетті Сыр елі. Қыдыр қонып – бақ қонған, шілтеннің шылауы шалған қасиетті Қармақшы ауданында  барша түркі жұртының баба рухына тағзым жасайтын киелі орын  - Қорқыт ата мемориалдық кешені орналасқан.  Кешен    көненің көзін кие тұтқан туристер үшін құнды жәдігерге айналып отыр.  Қайта жаңғырту жұмыстарынан соң тарихи-мәдени мұраны көруге шетел азаматтары көптеп ағылуда. 2017 жылы  ЭКСПО   қонақтарын  күтуге   дайын.     «Қорқыт және Ұлы Дала сазы» атты түркі дүниесіне ортақ    музыкалық өнер  фестивалінің дәстүрлі  түрде   өтуі   «Сыр елі-Түркінің жүрегі»  екендігін  айғақтай түседі.