ШҰҒЫЛ! АЛТЫН ҚОРДАҒЫ ХАБАРЛАР ҚАЙТА КӨРСЕТІЛЕДІ Толығырақ

Үздік түсірілім тобына дауыс беріңіз!

18:12, 11 тамыз 2016

Қазақстан Ұлттық арнасы ел тәуелсіздігінің 25 жылдығына орай аймақтардағы филиалдар арасында ең үздік түсірілім тобына байқау жариялады.

Тәуелсіздікке тарту! Ширек ғасырлық той қарсаңында көпшілікке қазақ даласының көрікті жерлерін танытуды мақсат тұтқан Ұлттық Арна филиал қызметкерлерінің еңбегін де бағалауды құп  көрді. Осыған орай, әр өңірден жасақталған командалар, яғни режиссер, телеоператор, редактор, сценарист,дыбыс режиссері және бейнемонтажер веб-дизайнерден құралған топтар  «Менің туған өлкем» тақырыбында видеоматериалдардарды көпшілік назарына ұсынды. Айтулы додаға көрермен көзайымына айналған біздің әріптестеріміз де қатысып, бақ сынауда. Аймақтың жетекші арнасынан  үш топ жасақталды. Олардың қатарында «Қорқыт» ата командасы бар. Қыдыр қонып, бақ қонған, шілтеннің шылауы шалған қасиетті Қармақшы топырағын ел-жұртқа таныстыру мақсатында аталмыш топ Қорқыт ата мемориалдық кешенін көрермен назарына ұсынып отыр.

Қайта жаңғыртудан өткен кешен келер жылы ЭКСПО қонақтарын күтуге дайын.Түркі халықтарына ортақ – ұлы ойшыл мәңгілік мекен тапқан киелі орын туралы бейнебаянды арнамыздың беткесұтары - редактор –Алтынай Молжанова, режиссер –Гүлсара Мәмбетова,телеоператор –Талғат Әлменов және бейнемонтажер Самат Қуанышбаев әзірледі.

 «Туған өлке» тобының обьективіне жергілікті халыққа «Көксу» деген атпен танымал жасыл белдеу ілікті. Мұнда Сыр өңірінде өспейді, жерсінбейді деген ағаштар мен 150 мыңға жуық қылқанды, мәуелі, жапырақты және декоративті ағаштар жайқалып тұр. Тіпті, экзотикалық өнім саналатын мандарин мен авокадо, алматының апорты да жерсіндірілген. «Туған өлкенің» таңғажайып бағымен таныстыруды мұрат еткен топтың құрамында редактор – Гүлшара Башарова, режиссер –Мұрат Досжанов, оператор Бауыржан Қожамұратов және бейнемонтажер Ержан Тәженов бар.

Ал телеарнамыздың жас мамандарынан құралған «Ақмешіт» тобы аграрлы аймақтың жетістіктерін паш етуді жөн санапты. Редактор –Бекзат Есқалиев, режиссер –Жансая Ұланқызы, телеоператор Алмат Меңдібаев және бейнемонтажер Абдат Есмаханбетов дайныдаған бейнебаяннан шалқыған теңіздің су маржаны мен дархан даланың Сыр маржанын, қара алтын мен ақ алтын өндірісінен қайталанбас кадрлерді тамашалай аласыздар. Ең бастысы, бұл байқауда біз үшін  Сіздің дауысыңыз маңызды, қымбатты көрермен!  Себебі, үздік шығармашылық топты интернет қолданушылар мен арнайы құрылған қазылар алқасы анықтайтын болады.  Экрандағы сілтеме бойынша http://vote.kaztrk.kz/uzdik/kyzylordatv/ арнайы веб-порталға өтіп, өзіңізге ұнаған шығармашылық топтың жұмысына қолдау білдіріңіз, ең лайық деп тапқан командаңызға «лайк» басыңыз! Күтеміз!

Мөлдір Құлмырзаева

 

 

Тақырып бойынша материалдар

Танымал жаңалықтар

23:04, 14 сәуір 2021
ОҢАЛТУ ОРТАЛЫҚТАРЫ САНИТАРЛЫҚ ТАЛАПТАРҒА САЙ ЖАБДЫҚТАЛҒАН
Толығырақ...
ЖАҢА ҚАУЛЫ: СЫРДАРИЯДА ТАЛАП КҮШЕЙТІЛДІ
16:33, 16 сәуір 2021
ЖАҢА ҚАУЛЫ: СЫРДАРИЯДА ТАЛАП КҮШЕЙТІЛДІ
Толығырақ...
АРАЛ АУДАНЫНДА АУҚЫМДЫ ЖОБАЛАР ЖҮЗЕГЕ АСЫРЫЛУДА
16:31, 16 сәуір 2021
АРАЛ АУДАНЫНДА АУҚЫМДЫ ЖОБАЛАР ЖҮЗЕГЕ АСЫРЫЛУДА
Толығырақ...